 |
|
|
 |
|
Mánadagur 23.01.12
Góðan dag.
Vit vóru inni á Norðfjørðinum í gjár eftir einari lodnunót.
Vit leita eftir lodu nú, vónandi koma vit í onkran stóran stima skjótt
Mynd: Bogi og Torfinn spleysa.
Leygardagur 14-01-12
Gott kvøld.
Vit eru nú farnir at sigla inn til Kollafjørð, við uml 1000 tons av svartkjafti.
Vit vera inni í morgin kl 10.00
Hósdagur 12-01-12
Hey hey
Vit byrjaðu nýggjan túr aftur kl 06 30 í gjár.
Vit eru nú staddir sunnan fyri Føroyar.
Eru byrjaðir at fiska, smáligt fiskaríð.
Týsdaur 10-01-12
Góðan morgun.
Vit eru á veg til kollafjørð at landa uml 400 tons av svartkjafti.
Vit vera inni kl 09.30.
Veðrið var gott einaløtu í gjár, men í nátt hevur verði nógvur vindur og nógv rull.
Leygardagur 07-01-12
Gott kvøld.
Vit liggja á Kollafirði og landa 700 tons av svartkjafti. Vit komu inn í gjár kl 22. Vit byrjaðu at landa beinanvegin. Tað verður nokk liðugt at landa í nátt.
Mikudagur 04-01-12
Góðan dag.
Vit møttu umborð Mánakvøldi kl 22, Rógvi Joensen var komin umborð at hava møti saman við okkum, Vitin var eisini við umborð og sungu nakrar sangir.
Kl 00.30 bleiv loyst, vit fara at royna eftir svartkjafti í føroyskum sjógvi.
24-12-11
Manningin á Fagraberg ynskir øllum eini gleðilig jól, og eitt av harranum vælsignað nýttár.
Eisini vilja vit takka Framherja og Sjómanskvinnuringunum kring landið fyri jólapakkarnar.
Injector
Mánadagur 24 okt.
Vit liggja á Kollafjørði og landa... hava 750 tons av góðari, stórari sild sum er fiskað í Føroyskum sjógvi.
Eyðun, Hallur, Arni, Demmus, Petur og Torfinn hava landingartørn,
Nú verður manning skift eisini... tað verður liðugt at landa einaferð seint seinnapartin....
Mynd: Fagraberg so snøggur
Hósdagur 20-10-11
Gott kvøld.
Vit leita eftir sild norðanfyri. Hevur verði illveður á veg úr Værøy, í gjár lógu vit bakk.
Nú er veðrið fínasta slag, so vit vóna at koma í fisk skjótt.
Týsdagur 18 oktobur
Vit eru inni í Værøy og landa... tað verður liðugt at landa einaferð seinnapartin í dag.
Mynd: Værøy
Sunnudagur 16-10-11
Fríggjadagur 14-10-11
Gott kvøld.
Vit komu inn til Væroy í gjár og byrjaðu at landa beinanvegin. Frá kl 13.30 - 21 landaðu vit 500 tons. So blivu tey 300 tonsini sum vóru eftir umborð pumpaði í land í morgun, frá kl 07-11.30
Seinasta túr vóru vit norðuri á 72, sildin var góð har, uml 350 gram.
Vit loystu á middegi í dag, vit fara aftur á sildaveiðu.
Hósdagur 13 oktobur
Vit eru á veg til Værøy við 750 tonsum av sild, vit verða inni einaferð seinnapartin,
her er gott veður at sigla í morgun, ...
ì dag er føðingardagur umborð, Arni fyllur 57 ár í dag, vit ynskla honum tillukku við degnum, somuleiðis vilja vit ynskja Malla sum er heima í feriu , tillukku við degnum sum var tann 10 oktobur...
Mynd Arni hja Gitte
Mánadagur 10-10-11
Leygardagur 08-10-11
Hey
Vit koma inn til Værøy einaferð seinnapartin í dag.
Annars er føðingardagur umborð í dag, Thorstein fyllur 64 ár, og manningin á Fagraberg ynskjur honum hjartaliga tillukku við degnum.
2 deingir úr Fuglafirði, Rói og Martin eru við í starvsvenjing. Teir hava tað gott, dáma væl at spæla fifa á playstation 3.
Hósdagur 06-10-11
Gott kvøld.
Vit loystu aftur úr Fuglafirði týskvøldið.
Vit hava roynt eftir sild norðanfyri Føroyar, sigla nú til Norra við 800 tonsum av sild, støddin er uml 370 gram.
Veðrið er skiftandi, sjask tá túrur byrjaði, eina løtu í gjár/nátt var fínasta slag, nú er aftur nógvur vindur.
Mánadagur 03-10-11
Gott kvøld.
Vit komu inn á Fuglafjørð í kvøld.
Mikudagur 28-09-11
Góðan dag.
Vit vóru lidnir at landa áðrenn døgurða í gjár.
Àveg til fiskaríð, fóru vit inn á Fuglafjørð við einum troli.
Nú leita vit eftir makreli eystan fyri Føroyar.
Sunnudagur 25 septembur
Leygardagur 24 septembur
Hey... vit vóru lidnir at landa beint eftir middnát, og vit loystu av Kollafjørði kl 2 í morgun, vit hava sett kós á makrel felti... her er frískur vindur í morgun av landsnyðningi suðri... vit verða frammi einaferð seinnapartin...
Mynd. skip á feltinum
Hósdagur 22. septembur
Mánadagur 19. septembur
Hey
Vit halda í endanum hjá Jupiter. Fiskaríðið er heldur slakað nú..
Hendan túrðin hava vit tveir næmingar úr argja skúla í starvsvenjing hjá okkum. Teir eita Kristjan og Eyðun og eru baði hjálpsamir og fittir.
mynd: Eyðun og Kristjan vaska messuna.
Velkommen til vores hjemmeside
sunnudagur 11 septembur
Hey... vit hava landa 650 tons til Lafayette í gjár, vóru lidnir at landa kl 20 gjárskvøldi, og nú í morgum leita vit, her er sjaskveður í morgum, ..
Seinasta tov var grindahvalir í, so vit fyngu eitt kók...
Mynd: Grind á dekkinum
Hósdagur 8 septembur
Hey... vit hava ak hala, tað vóru 550 tons í av reinum makreli, og støddin var 490 gram, vit tovaði í 3 tímar,
Sum tit síggja á myndini , liggjá nógvir norskir nótabátar uppí mótur tað sum teir kalla fyri marki til piratanar, tann reyða linian sum tit síggja á kortinum er marki, vit liggja í Føroyskum sjógvi, og norsku nótaskipini liggja í ES sjógvi
Mynd: av plottarinum
Týsdagur 6 septembur
Hey... vit liggja hjá Lafayette og landa, vit byrjaðu at landa beint eftir kl 13.
vit hava 1400 tons sum vit fyngu í tveimun hálum, Pacific voyager helt í hjá okkum fyrra tovi, og Tróndur tað seinna.
vit hava hildi í hjá Trónda nú til vit fóru at landa....
Her er gott veður í dag, lítil vindur, eini 8 m/s av útsýnningi og sól... vit verða helst lidnir at landa éinaferð í nátt..
Mýnd: " Sólaris " í ein landnýrðing av Fugloyarbanka....
Mánadagur 5. septembur
Fiskaíðið hevur ikki verði so galið í dag, hava fingið einar 1400 tons av makreli í tveimun hálum . Hendan túrðin hava vit roynt norð eystan fyri Føroyar.
Nú halda vit í endanum hjá Tróndur Ì Gøtu.
mynd: stimar á astikkinum í gjárkvøldið.
Sunnudagur 4. septembur
Velkommen til vores hjemmeside
3 sept 2011
Hey... vit fiskaðu í gjár, Pacific Voyager helt í hjá okkum, og vit fóru at borði í morgum hjá Lafayette at landa 1000 tons av makreli, vit vóru lidnir nakað aftana døgurða, og nú fara vit saman við Jupiter... her er fínasta veður á feltinum
Mynd: Lafayette
Mikudagur 31-08-11
Hey hey
Eyðun Gullaksen hevur føðingardag í dag, og manningin á Fagraberg ynskur honum hjartaliga tillukku við degnum.
Mánadagin 29 august.
Hey...vit loystu av Kollafjørði leygarmorgnum, vit komu á felti og hugdi so okkum umkring, koyrdu so út í gjár, Tróndur helt í endanum hjá okkum, og nú eru vit á veg inn á Kollafjørð aftur við 1000 tonsum, vit verða inni einaferð í nátt, her er frískur vindur av útnýringi, so tað er gott at sigla..
Mynd: Skiparin Høgni Hansen og virkisleiðarin á Faroe Pelagic Ton Frisson.
Fríggjadagur 26 august.
Vit liggjá á Kollafjørði og landa,vit komu inn seinnapartin í gjár, vit hava 850 tons makrel, vit byrjaðu at landa beinavegin...
Fróði, Niels Pauli, Osmund og Helgi hava landingartørn.
Mynd: Fagraberg at bryggju hjá Faroe Pelagic
Týsdagur 23 august.
Hey... vit hálda í hjá endanum hjá Trónda, ... her er fínasta veður í morgum,..
Ì dag er føðingardagur umborð.. 1.meistarin Hallur fyllur 40 ár í dag,
og Petur sum er heima í feriu fyllur 67 í dag, so tað verður lagkaka í dag...
vit ynskja teimum baðum hjartaliga tillukku við degnum..
Mynd: Hallur og Petur.
Sjómannadagur 20 august.
Hey... Nú hava vit haft troli úti aftur, og Jupiter hevur hildi í endanum hjá okkum, vit hava haft 4 tov, vit pumpaðu 2 tov uppí Saksaberg, góð 600 tons, og tóku sjálvir 2 tey seinastu tovini inn ..góð 700 tons.
Vit hava hildi sjómannadag uppi á síðuni av Lafayette, Vit byrjaðu at landa til Lafayette kl 10 í morgum, og vóru lidnir kl 16.30... nú higgja vit okkum umkring um vit finna okkurt reiður onkustaðni..
Her er frískur vindur í dag... eini 13-15 m/s av Eystri...
Mynd; At borði hjá Lafayette
Vit vilja ynskja øllum ein góðan sjómannadag....
Fríggjadagur 19 august
Hey... vit royna at hanga í, vit hava hildi í endanum hjá Trónda, og nú hava vit troli úti, fiskaríði er brúkbart.
Her er fínasta veður, stilli... nøkur skip eru her á leiðini..
vit vilja ynskja øllum ein góðan sjómannadag har heima...
Mynd: Fagraberg. Eiler Mikkelsen hevur tikið myndina, hann er umborð á Lafayette
sunnumorgun 14 august
Hey... vit hava hildi í endanum á Trónda í Gøtu, hann pumpaði eitt hál umborð á Høgaberg, og síðani tók Tróndur inn sjálvur, so koyrdu vit út í eitt tov og tað pumpaðu vit umborð á Høgaberg,
Tróndur er hjá Lafayette og landar, Jupiter er á veg út aftur, vit higgja okkum umkring í løtuni at vita um okkurt gott reiður er onkustaðni.
Tað er frískur vindur í morgum, eini 13 m/s av landnyðringi eystri...
Mynd: Tróndur í Gøtu pumpar umborð á Høgaberg.
11 aug. 2011
Hey... vit eru á makrelfeltinum, her er av allar fagrasta veðrið, fiskaríði er bara í lagi, Jupiter og Tróndur í Gøtu hava verið saman, Jupiter fór at sigla á Kollafjørð í morgun, so koyrdi Tróndur út, og vit hildu í endanum, hann hálaði aftur, og pumpaði tað háli umborð á Høgaberg, so rendu vit troli afturav, og Tróndur heldur í hjá okkum nú.
Nøkur skip eru á feltinum her sum vit eru, Høgaberg, Saksaberg, Tróndur, Norðborg, Cristian í Grótinum,
Mynd: Skiparin og Skiparafrúðan...
Durita var umborð fylgdu manninum av avstað.
Týsdagur 09 august
´Vit loystu av Fuglafjørði seinnapartin í dag, og hava sett kós á makrel felti, vónandi tørnar fyri,
Hans Pauli, Guðmund og Demmus , fóru í land, og Páll, Niels Pauli og Malli komu umborð....
Sunnudagur 7 august
Hey... vit liggja á Kollafjørði og landa, vit hava 800 tons av Makreli, vit hava partrola saman við Jupiter.
Hesuferð hava Eyðun, Hans Pauli, Pól og Demmus landingartørn, vantandi tekur tað ímillum 1-2 døgn at landa...
Mynd: Fagraberg við bryggju á Faroe Pelagic
Mikudagur 3 august
Vit loystu av Kollafjørdi manamorgnum, fóru so á Fuglafjørd eftir einum troli, settu so kós vestur í hav,
Torstein, Árni , Rúni og Niels Pauli fóru í land, og EYdun, Pól , Osmund og Hallur komu umbord,
Her er fínasta vedur, stilt og toka vidhvørt, í gjár vóru vit at borï hja Lafayette eitt ørindi, og nú halda vit í endanum hjá Trónda í Gøtu
Nøkur skip eru her á leidini, fiskaríï er ikki nakad vilt í løtuni, men eitt sindur alíkavæl.
Mynd: Lafayette og Frio Dolphin sum lossar fra honum.
Fríggjadagur 29 juli
Góðan dag.
Vit hava partrola saman við Jupiter í ca 1 døgn.
Kósin er nú sett á Kollafjørð at landa 870 tons av makreli.
Vit vera inni einaferð í nátt, vit sleppa ikki at landa beinanvegin, vantanði í annaðkvøld
ólavsøkuaftan
Góðan dag.
Vit halda ólavsøku norðuri á 63N og 9 W
Veðrið hevur verði sera gott í seinastuni,nú er so nakað av vindi.
Nú hava vit troli úti, Jupiter sum var inni við 1100 tonsum fyrr í vikuni er komin út aftur, og halda teir í endanum.
Fleiri nóta-ísfiska-flaka og frystiskip eru her á leiðini.
Manningin á Fagraberg ynskjur øllum eina góða òlavsøku.
Mynd: Torstein og Høgni
Leygardagur 23 Juli
Góðan dag.
Vit hava partrola saman við Jupiter. Vit hava landa 850 tons av makreli til Lafayette í morgun.
Beint sum liðugt var at landa, var kós sett á makrelfeltið.
Mynd: Tikin í dag.
Hósdagur 21 Juli
Góðan dag.
Vit eru norðan fyri Føroyar, partrola saman við Tróndi í Gøtu.
Markus, sonur kokki er við okkum hendan túrin, hann hevur verði við okkum onkran um summari fyrr.
Ì dag hevur Markus føðingardag, hann fyllur 15 ár, og manningin á Fagraberg ynskjur honum hjartaliga tillukku við føðingardegnum.
Mynd: Markus bjóðar til føðingardag
Týsdagur 19 Juli
Gott kvøld.
Vit hava partrola saman við Jupiter hendan túrin.
Vit hava landa uml. 700 tons til Lafayette í dag.
Har gekk bæði skjótt og gott at landa, góð 100 tons um tíman.
Vit fara til fiskaríð aftur beinanvegin.
Gott veður var í dag, so vit fingu vaska eitt sindur úti á dekkinum eisini.
Mynd: Høgni og Markus( sonurin hjá kokkinum) klárir at fara umborð á Lafayette
Leygardagur 16 juli
Gott kvøld.
Nú leita vit aftur, vónandi renna vit okkum í nógvan makrel skjótt
Kokkurin bjóðaði góðar búffar til døgurða í dag, og burgara og ymiskt annað til nátturða.
Mikudagur 13 Juli
Gott kvøld.
Vit byrjaðu nýggja túr í nátt.
Vit eru nú norðanfyri Føroyar, og partrola saman við Trónd í Gøtu.
Mynd: Rókur og Lerkur á makrelveiðu
Mánadagur 11-07-11
Gott kvøld.
Vit vera inni á Kollafirði í kvøld.
Hava uml. 650 tons, sum vit skullu landa har.
Fríggjadagur 08 Juli
Gott kvøld.
Vit byrjaðu at landa til Lafayette kl 09.30 í gjár, og longu kl 14.30 var seinasti makrelurin komin upp út tanganum
Vit halda í endanum hjá Tróndi í Gøtu nú.
Veðrið er gott á leiðini.
Mynd. Saksaberg liggur á BB síðu á Lafayette og landar
Hósdagur 7 juli
Góðan morgun.
Vit liggja og bíða eftir at sleppa at landa til Lafayette.
Vit hava 600 tons av makreli.
Vóru inni á Fuglafirði í nátt eftir útgerð.
Tað er frískur vindur norð úr Mykinesi í morgun.
Mikudagur 6 Juli
Góðan dag.
Vit byrjaðu í gjár at partrola saman við Jupiter. Vit royna nú norðanfyri Føroyar, her eru ikki nógv makrel skip á leiðini. Fiskaríði er einki at skriva heim um, men vit vóna at tað blívur betur.
Mynd: Rúni og Demmus frammi á dekkinum.
Mánadagur 4 Juli
Góðan dag.
Vit eru norðuri á makrelfeltinum. Vit halda í endanum hjá Tróndi í Gøtu.
Her eru fleiri føroysk skip á leiðini.
Veðrið er gott.
Hey...vit hava landa sløk 500 tons umborð á Lafayette í gjár, tað gekk skjótt og gott at landa, vit byrjaðu kl 17 og vóru lidnir kl 23, tá loystu so vit aftur frá borði,
Tað var ikki sørt at vit føldi okkum eitt sindur lítlar við síðuna av honum, teir eru sera væl riggaðir til at taka ímóti, her er fínasta veður... vónandi renna vit okkum í okkurt beinavegin...
Ein myndamappa er løgt út á heimasíðuna frá landingini til Lafayette
Mynd: Liggja við síðuna av Lafayette og landa....
Vit hava partrola saman við Tróndi í Gøtu, teir eru nú farnir at landa til Lafayette.
Nú hava vit troli úti, og Jupiter heldur í endanum.
Veðrið er sera gott nú, sól og summar
Góðan dag.
Vit partrola saman við Tróndi í Gøtu.
Enn er so einki makrelrok, vóna bara at tað verður nokk so skjótt.
Einki summarveður her, verði sjaskveður í dag.
Gott kvøld.
Vit vóru lidnir at landa kl 12 í dag. Vit byrjaðu nýggjan túr beinanvegin, eru nú komnir vestur. Vit fara at partrola saman við Tróndi í Gøtu.
Góðan dag.
Vit hava partrola saman við Tróndi í Gøtu.
Vit eru nú áveg til Kollafjørð at landa, vit hava knapt 600 tons.
Vantandi vera vit inni um 20 tíðina í kvøld.
Vit hava eisini føðingardag umborð í dag, Rúni fyllur 32 ár, vit umborð vilja ynskja honum hjártaliga tillukku við degnum...
Mynd: Rúni við Makrel snelluni...
Gott kvøld.
Vit leita enn eftir makreli, millum lítið og einki at síggja. Eru vestanfyri suðuroynna beint nú.
Góðan dag.
Liðugt var at landa seint í gjárkvøldið.
Vit hava nú sett kós í føroyskan sjógv aftur, so nú er bara at vóna, at vit renna okkum í nógvan makrel.
Kokkurin hjá okkum hendan túrin er Pól, hann hevur 50 ára føðingardag í dag, og manningin á Fagraberg ynskjur honum hjartaliga tillukku við tí runda degnum.
Gott kvøld.
Vit fóru at sigla til Neskaupstaðir tíðliga í morgun við uml. 500 tonsum av makrel og sild.
Vit vera inni kl 20.30 í kvøld.
Vit hava partrola saman við Tróndi í Gøtu.
Gott kvøld.
Vit royna norðanfyri føroyar.
Vit partrola saman við Finnur Fríða.
Góðan dag.
Vit eru nú farnir út aftur, fóru av fuglafirði kl 12 í dag.
Leygardagin hevði Torfinn føðingardag, og í dag hevur Hans Pauli føðingardag, manningin á Fagraberg ynskjur teimun báðum hjartaliga tillukku við degnum.
Mynd. Hans Pauli Olsen.
Góðan dag.
Vit vóru lidnir at landa í gjár kl 18. Vit loystu beinanvegin, og eru nú á veg til Fuglafjørð at bunkra.
Fólk frá mbl.is vóru ein túr umborð. og hava tey skriva eina grein sum kann lesast á http://www.mbl.is/frettir/innlent/2011/06/09/falleg_sild/
Góðan dag.
Vit sigla nú til Ìsland at landa, hava uml 650 tons av makrel og sild.
Hey... vit eru 44 fj. í ein Landnyðring úr Fugloynni, vit partrola saman við Finnur Fríða, her er gott veður frískur vindur av vestri, fiskaríði er á einari leið.
Ì gjár fingu vit ein gest, ein lítil fuglur fleyg inn á brúnna, at hvíla seg, hann sat her eina løtu og hvíldi seg, ta kom makkarin hjá honum og setti seg á rútin uttanfyri brúnna at bíða eina løtu, so byrjaði hann at kalla á tann innanfyri, so kom ferð í,
Eftir at fuglurin hevði fyngið vatn at drekka frá skiparinum, og eftirhugdur um alt var í lagi, ( hann var bæði reinur og heilur og penur ) so fleyg hann út av brúnni sjálvur, út til makkarin hjá sær, og teir baðir við ferð víðari...
Mynd: Fuglurin drakk nógva vætu.
Góðan dag.
Vóru lidnir at landa góð 600 tons mikumorgunin.
Byrjaðu nýggjan túr hóskvøldið.
Góðan dag.
Koma inn á Kollafjørð kl 15.30
Vit hava 560 tons av makreli sum vit fara at landa har.
Góðan dag.
Vit hava nú troli úti, Tróndur í Gøtu heldur í endanum.
Føðingardagur er umborð í dag, Tórarinn fyllur 45 ár, og Manningin ynskjur honum hjartaliga tillukku við degnum.
Góðan morgun.
Vit hava partrola saman við Jupiter, hann er farin inn at landa. Nú partrola vit saman við Finnur Fríða.
Góðan dag.
Vit byrjaðu nýggjan túr í gjárkvøldið.
Nú fara vit at royna eftir makreli, tað verður við partrol.
Liðugt var at landa kl 01 í nátt, so fóru vit á Fuglafjørð .
Vit vera aftur næsta túr
Góðan dag.
Vit hava nú sett kós á kollafjørð.
Vanta at vera inni kl 17 í kvøld.
Hava uml 600 tons av svartkjafti, prísurin er 5 kr/kg.
Gott kvøld.
Vit royna eftir svartkjafti hendan túrin.
Menn hava arbeitt eitt sindur við at fáa skil uppá rúmið, har eykaútgerðin til trol og annað verður goymt.
Eisini hevur tíð verði til at sita framman fyri skermin, tá fótbóltur hevur verði, bæði í gjár og í dag
Kokkurin bjóðaði lambakjøt við flødaeplum í gjár og toskaflak var til døgurða í dag.
Gott kvøld.
Liðugt var at landa kl 12 í dag.
Vit eru byrjaðir nýggjan túr, so nú er bara at vóna, at vit koma skjótt í fisk
Mynd : Hesin ungi maðurin í Kollafirði, sum altíð er í góðum lag, var umborð og vitjaði okkum
.
Góðan dag.
Vit eru nú áveg inn til Kollafjørð at landa, vit hava uml. 600 tons av svartkjafti.
Tað er nógv at fáa uppá pláss aftur, eftir at skipið hevur verði á beding, so menn hava nokk at gera.
Veðrið hevur verði gott hendan túrin.
Gott kvøld.
Fagraberg kom nýmálaður á Fuglafjørð leygardagin.
Menn byrjaðu beinanvegin at gera skipið klárt til fiskaríð aftur.
Vit byrjaðu túr seint í gjárkvøldið.
Vit fara at royna at fáa nakrar nýggjar myndir av Fagraberg inn á heimasíðuna skjótast gjørligt.
|
|
|
|
|
|